Кувейт блогерлары Татарстанның туристлык потенциалын бәяләячәк
Татарстанда гомуми аудиториясе миллионнан артык язылучы булган Кувейт блогерлары өчен ТР Туристлык буенча дәүләт комитеты, Мәскәү шәһәренең Туризм комитеты һәм Санкт-Петербургның Туристлыкны үстерү комитеты тарафыннан республиканың туристлык мөмкинлекләрен күрсәтү максатында оештырылган блог-тур уза.
Татарстан Республикасы Кувейттан гомуми аудиториясе миллионнан артык язылучы булган ике популяр блогерны кабул итә. Татарстан Республикасы Туристлык буенча дәүләт комитеты тарафыннан Мәскәү шәһәренең Туризм комитеты һәм Санкт-Петербургның Туристлыкны үстерү комитеты белән берлектә оештырылган блог-тур төбәкнең туристлык потенциалын күрсәтергә тиеш.
Турда тревел-блогер һәм туристлар өчен күңел ачуларда махсуслашкан Wyana travels туристлык компаниясен гамәлгә куючы Юсеф Альседдики һәм гастрономия һәм мәдәни-танып белү туризмын яктыртучы блогер Кутайба Бадр Альансари катнаша.
Тур кысаларында блогерлар Мәскәү һәм Санкт-Петербургта булдылар, анда җирле истәлекле урыннар белән таныштылар, шуннан соң Казанга юл тоттылар. Мәскәүгә кунаклар беренче тапкыр гына килми, ә Татарстанда алар беренче тапкыр тапкыр.
Өч көн дәвамында Кувейт блогерлары Татарстан Республикасының төп туристлык объектлары белән танышты. Программа Казан буенча экскурсияне үз эченә ала. Шулай ук Зөя утрау-шәһәренә экскурсия, саф һавада барбекю белән «Свияга» шәһәр яны клубына бару, «Пача мама» альпак паркы белән танышу һәм квадроциклларда йөрү, ял итү мөмкинлекләрен һәм спа-программаларны өйрәнү белән «Утрау» шәһәр яны клубы территориясен карау, шулай ук «Биосфера-Фиш» балыкчылык комплексында балык тоту каралган.
Кунаклар AK BARS Golf & Resort югары бәяләделәр, аның матур урында уңышлы урнашуын билгеләп үттеләр. Уңайлы номерлар, гольф-клуб һәм спа-үзәк ял итү һәм вакыт уздыру өчен менә дигән шартлар тудыра. Алар шулай ук Luciano Hotel & SPA мөмкинлекләрен өйрәнделәр, татар ашларын татып карадылар һәм тәкъдим ителгән спа-программалар белән таныштылар.
Millenium clinic яңа клиникасында булганнан соң, кунаклар Татарстан танып белү һәм медицина туризмының уникаль ярашуын тәкъдим итә ала дигән нәтиҗәгә килделәр.
Татарстан Республикасының Якын Көнчыгыш илләре аудиториясе өчен туристлык мөмкинлекләрен яктырту бу төбәктән күбрәк туристларны җәлеп итәргә мөмкинлек бирәчәк. Әлеге эш «Туристлык һәм кунакчыллык» илкүләм проектының туристлык хезмәтләре экспортын арттыру бурычларына туры килә