Татарстан Гарәп туристларын яңа хәләл маршрут буенча «Табигать кочагына» чакыра
Татарстан Гарәп туристлары өчен махсус Nature’s Embrace хәләл туристлык маршрутын эшләде һәм тәкъдим итте. Маршрут Discover Russia тарафыннан гарәп базары өчен төзелгән Time to travel каталогына керде һәм Татарстан табигатенә һәм мәдәниятенә чумуны тәкъдим итә, шул исәптән: Казанда булу, глэмпинглар, төрле күңел ачулар һәм хәләл кухня белән танышу.
Татарстан Республикасы Туристлык буенча дәүләт комитеты Discover Russia илкүләм туристлык бренды тарафыннан гарәп базары өчен махсус эшләнгән Time to travel (Сәяхәт итү вакыты) каталогына кертелгән Nature’s embrace («Табигать кочагы») яңа хәләл туристлык маршрутын тәкъдим итте.
Инглиз һәм гарәп телләрендә тәкъдим ителгән каталог Россия буенча мөселман илләреннән килгән туристлар өчен җайлаштырылган төрле маршрутлар тәкъдим итә. Татарстанда «Табигать кочагы» — ул фарсы култыгы илләреннән һәм башка гарәп дәүләтләреннән килгән кунакларга Татарстан табигатенең матурлыгына чумарга, төбәкнең мәдәнияте һәм кунакчыллыгы белән танышырга мөмкинлек бирәчәк тәкъдим.
Маршрут Казанга да, матур глэмпингларга да баруны үз эченә ала, мотоциклларда йөрү һәм альпаклар белән аралашу кебек күңел ачуларның киң спектрын тәкъдим итә. Кунакларны Татарстанның бай гастрономиясе белән танышу һәм спа-ялдан ләззәт алу мөмкинлеге көтә.
Татарстан гарәп туристларын матур тәэсирләр һәм уңайлы ял белән тулы мавыктыргыч сәяхәткә чакырып, ишекләрен ача.
Юл күрсәткече сылтама буенча.
Nature’s embrace маршрутын Time to Travel каталогына кертү аны чит илдәге туроператорлар арасында алга җибәрүне тәэмин итәчәк, алар бу турны үз клиентларына тәкъдим итәчәк. Әлеге эш «Туристлык һәм кунакчыллык» илкүләм проектының турхезмәтләр экспортын 2030 елга өч тапкырга арттыру максатларына ирешүгә юнәлдерелгән.