Татарстан Республикасы глэмпинглары исемлегенә Мамадыш районында «Вятские домики» яңа проекты өстәлде
«Туристлык һәм кунакчыллык индустриясе» илкүләм проекты кысаларында дәүләт субсидиясе ярдәмендә Мамадыш шәһәренең «Регина» кунакханә комплексы территориясендә туристларны урнаштыру өчен уңайлы 5 йорт төзелде.
Мамадыш шәһәренең Нократ елгасы ярындагы матур зонада урнашкан «Регина» кунакханә комплексы 2015 елда ук ачылган. Туристлар ялы өчен кунакханә комплексы хезмәтләре исемлеге киң, бу – спорт кортын арендалау, мангаль зоналы беседкалар, бассейн, сауна, актив ял итү өчен инвентарь прокаты.
Мамадыш районы үзе 19 мәдәни мирас объекты урнашкан киң хезмәт күрсәтү спектры булган туристлык үзәге булып тора. Нәкъ менә шунда «Бер юл, биш мәдәният» этно-программасы тормышка ашырыла, ул Татарстан территориясендә яшәүче төрле халыкларның: удмуртлар, чуашлар, руслар, марилар, татарлар һәм керәшеннәрнең үзенчәлеге һәм мәдәнияте белән танышырга мөмкинлек бирә. Маршрут буенча кунакларга берничә авылга барырга, мастер-классларда катнашырга, җирле халык белән бергә халык биюләрен биергә һәм башка бик күп нәрсәләр тәкъдим ителә. Маршрут турында тулырак мәгълүматны Visit Tatarstan порталында табарга мөмкин: https://visit-tatarstan.com/areas/perepletenie-kultur-i-legend-chto-smotret-v-mamadyshskom-rayone/.
Күптән түгел районда төрле озынлыктагы 3 трассалы, фуникулерлы, балалар өчен бау паркы, тюбингларда шуу зонасы һәм зиплайнлы яңа тау чаңгысы комплексы ачылды.
2024 елда «Регина» кунакханәсе территориясендә «Туристлык һәм кунакчыллык индустриясе» илкүләм проекты кысаларында субсидияләр хисабына 5 йорттан торган глэмпинг ачылды.
Модульле корпуслар составына 6 кешегә кадәр сыйдырышлы А-фрейм һәм Барнхаус йортлары керә. Ике төре дә – ике яруслы, үз кухнясы һәм санузелы бар. Глэмпинг – ел әйләнәсе эшли, йортлар җылытыла, Wi-FI чыбыксыз челтәре эшли. Киләчәктә комплекс территориясендә үз зоопаркын, мунчасын һәм балалар мәйданчыкларын төзү планлаштырыла.
«Регина» кунакханә комплекслары челтәре турында тулырак мәгълүмат сайтта.