«Казан марина»: өстенлекле инвестицион проект һәм зур судагы перспективалы туристлык үзәге
«Казан марина» проектын гамәлгә ашыру турында Татарстан Республикасы Туристлык буенча дәүләт комитетында эшлекле очрашуда комитет җитәкчесе Сергей Иванов, Россия Федерациясе Хөкүмәтенең Мәдәният, спорт, туристлык һәм милли сәясәт департаменты директоры урынбасары Юлия Мохова, шулай ук «Туризм.РФ корпорациясе» АҖ вәкилләре һәм инвесторлар фикер алыштылар.
Очрашуның төп темасы – төбәкнең туристлык потенциалын үстерү, өстенлекле инвестпроектларны Татарстан Республикасының Инвестиция советына карау өчен юнәлтү һәм Лаеш шәһәренең «Казан марина» яңа туристлык территориясендә инвестицион лотларны гамәлгә ашыру мәсьәләләре.
Туризм.РФ инвесторлары өчен «Казан марина» проекты кысаларында инвестицион лотлар формалаштырылган, аларның структурасында 1 250 номерлы номер фонды булган төрле категорияле урнаштыру чаралары, күңел ачу һәм спорт объектлары бар.
Курорт проект куәтенә чыкканнан соң фаразланган туристлар агымы елына 620 000 кеше тәшкил итәчәк. Проект ярдәмендә Татарстанда 2 000 яңа эш урыны барлыкка киләчәк.
Инвесторларга өстәмә ташламалар төбәк җитәкчелеге ярдәме белән тәэмин ителәчәк.
2023 елда «Казан марина» курорты төбәктә өстенлекле инвестиция проекты дип танылды.