Казанда «Киләчәк юнәлешләре» халыкара туристлык форумына туристлык индустриясенең халыкара экспертлары җыелачак

2023 елның 1 октябреннән 3 октябренә кадәр Казанда «Киләчәк юнәлешләре» туристлык форумы узачак. Һәр ике ел саен мәйданчык туристлык индустриясенең иң яхшы экспертларын, туристлык өлкәсендә хакимият органнары җитәкчеләрен, туристлык  өлкәсендә эшләүче эре компанияләр вәкилләрен җыя. 2023 елгы форумның төп темасы-туристлыкта заманча трендлар.

Катнашу өчен теркәлү озайтылды һәм www.kazantourismforum.ru сайты буенча  27 сентябрьгә кадәр теркәлергә була.

«Коммуникацияләрдә яңа чынбарлык: үз туристыңа ничек  аңлатырга»  пленар сессиясендә уникаль медиа-продукт булдыру буенча актуаль мәсьәләләр күтәреләчәк. Спикерлар «үз клиентларын» ачыкларга, аның сайлавына йогынты ясарга һәм нәтиҗәсез инструментларга ресурсларны  киметергә ярдәм итәчәкләр Сессия экспертлары арасында: VK «Места» проекты авторы һәм җитәкчесе Ирина Саютина, YouTravel.me онлайн-сервисның коммерция директоры Валерий Бритаус, МТС Travel  медиа нәшриятчысы Лидия Страхова, шулай ук «Островок.ру»  кунакханәләренең броньлау буенча иң эре сервисының идарәче директоры Дарья Кочеткова.

Аерым сессияләр автомобильдә сәяхәт итүгә, менталь һәм балалар ялын, Россиядә актив туристлыкны  һәм премиаль турларны үстерүгә багышланачак. Экспертлар туристлар белән яңа чынбарлыкта аралашу инсайтлары, шулай ук аудитория белән аралашуда яңа технологияләр һәм ясалма интеллект куллану белән уртаклашачак.

Премиаль туристлыкка багышланган сессиядә әлеге туристлык өлкәсендәге практиклар  хәзер туристлар арасында нинди турларга ихтыяҗ барлыгын, мондый турларны ничек сатарга икәнлекне сөйлиячәкләр, таләпчән сәяхәтчеләр белән эш лайфхаклары белән уртаклашачаклар, шулай ук Россиядә яңа чынбарлыкларны исәпкә алып премиум ялын үстерү трендларын алдан әйтергә тырышачаклар. «211» компаниясе җитәкчесе Владимир Николаев, RussiaDiscovery федераль туроператорының операция директоры Павел Шершнев, Байкал резиденциясенең генераль директоры Оксана Градова чыгыш ясаячак.

Шулай ук эшкуарлар яңа тармаклар, территория һәм туристлар белән эш форматлары турында, менталь туристлыкка  багышланган сессиядә сөйләячәкләр, әлеге сегментта эшнең катлаулылыгы һәм аларны хәл итү юллары белән уртаклашачаклар. Көндәлек мәшәкатьләрдән ничек арынырга, гаджетларны алып куярга, кул тимәгән  табигатьне һәм  эчке «Мин»не тикшерергә, шулай ук ресурсны тулыландырырга - бу хакта һәм башкалар турында  катнашучылар дөнья дәрәҗәсендәге эксперт - Brain Education Midle East (BE-ME) нигез салучы Катардан килгән Мөхәммәд Абу Зейнабтан, табиб психиатр-психотерапевт , язучы, сәяхәтче һәм «Соприкосновение» гаилә лагерен оештыручы Аглаи Датешидзедан, Imagine Group нигез салучының берсе Виталий Денисовтан,  MOYATERRA проекты җитәкчесе  Айсылу Дәүләтшинадан, Мәскәү йога мәктәбенә һәм «ЙогаДача» проектына нигез салучы Филип Егоровтан белә алачаклар.

Туристлык сукмакларын үстерүгә һәм актив ял итүгә багышланган сессиядә «Сила ветра»  ҖЧҖ яхта компаниясендә территориаль проектлар директоры Анна Носова, «ТР шәһәрләрен үстерү институты» табигый территорияләрне һәм экотуристлыкны  үстерү дирекциясе җитәкчесе, шулай ук «Татарстан Республикасының Идел сукмагы» проекты кураторы Оксана Саргина чыгыш ясаячак.

Автосәяхәт сессиясендә спикерлар автосәяхәтчеләр өчен мөмкинлекләр, туристлык продуктлары булдыруга сорауларның үзенчәлекләре турында фикер алышачаклар, шулай ук кече шәһәрләрнең иң яхшы практикалары белән уртаклашачаклар. Әлеге сессиянең экспертлары булып «Кемпинг һәм автотуристлык индустриясе профессионалларының  илкүләм берлеге» җитәкчесе Андрей Артюхов, Автодорның операторлык эшчәнлеге һәм кулланучылар сервисларын үстерү идарәсе рәисе урынбасары Константин Макиев, Good Friends Trip компаниясенә нигез салучы Тимур Тукаев, «Эймакс» компаниясенең башкарма директоры, «Дом.Кругом» проекты җитәкчесе София Мозговая, кемпинг һәм Осталар шәһәре «Мышгород» һөнәрчелек үзәге җитәкчесе Сергей Теркин чыгыш ясыячак.

Форумның икенче көнендә «Илне ачу: иң яшь сәяхәтчене нәрсә белән җәлеп итәргә» сессиясе узачак. Сессиянең бурычы-балаларның ихтыяҗларын ишетү, киләсе 5 елда балалар туристлыгында  нинди трендлар барлыкка киләчәген алдан күрү, шулай ук яшь аудитория белән уңышлы заманча аралашу кейслары турында фикер алышу. Балалар үзләре өчен актуаль ял итү турында үз күзаллаулары белән уртаклашачак, уңышлы кейсларның берсе белән Пермь краеның туристлык  министры Юлия Ветошкина, шулай ук Россия Мәгариф Академиясенең психология институты эксперты уртаклашачак.

«Туристлыкта заманча технологияләр: без туристларның эмоцияләре белән идарә итә алабызмы» сессиясе туристлар белән яңа чынбарлыкта аралашу инсайтлары, шулай ук аудитория белән үзара бәйләнештә яңа технологияләр һәм ясалма интеллект куллану белән уртаклашучы иң яхшы практика авторларын җыйды: Берләшкән Гарәп Әмирлекләренең W3rlds Metaverse платформасына нигез салучы Иван Пузырев, Сәнгать диджиталы театры директоры (TODADubai) Дарья Продаевич, Россиянең беренче иммерсив Krasota рестораны арт-директоры Антон Ненашев, Artplay Media директоры Татьяна Татаркина.

Форумның төп программасы үз эченә тематик дискуссия мәйданчыкларын, Татарстан Республикасының тренд һәм перспективалы туристлык объектларына баруны, шулай ук  нетворкинг сессиясен, татар чәй тантанасын һәм кулинар мастер-классны ала.

«Киләчәк ориентирлары» туристлык форумын Стратегик инициативалар агентлыгы һәм Россия туриндустрия берлеге  ярдәме белән Татарстан Республикасының Туристлык  буенча дәүләт комитеты оештыра.