Татарстан Республикасы башкаласыннан елга буйлап сәяхәт

2023 елның 12 мае, җомга

Татарстан буйлап сәяхәт итүче туристлар арасында үткәрелгән сораштыру мәгълүматларына караганда, елга буйлап йөрү елдан-ел популярлаша бара. Бу юнәлештә ихтыяҗның артуын исәпкә алып, 2023 елда Татарстан Республикасының берничә туроператоры туристларга Идел һәм Казансу буйлап сәяхәт итәргә тәкъдим итә.

Татфлот мәгълүматларына караганда, узган ел 260 мең кеше круиз теплоходларында сәяхәткә киткән, тагын 250 меңнән артык татарстанлы һәм турист даими елга рейсларында йөргән.

Быел туроператорлар Казаннан күп төрле юнәлешләр тәкъдим итә, мәсәлән, бер көнгә елга портыннан «Добрый»  күл-диңгез (ОМ) теплоходында  Идел буйлап барырга мөмкин. Йөрү маршрутына аудиоэкскурсия һәм Югары  Ослан, Барлык диннәр гыйбадәтханәсе, Моркваш яр буе, Печищи авылын күзәтү керә. Шул ук теплоходта Свияжскка барырга мөмкин. Теплоходның пассажирлар сыйдырышлылыгы 90 кеше, 25 кешегә югары күзәтү мәйданчыгы бар, борын өлешендә бар урнашкан.

Казансу һәм Идел буйлап «Казан» гаилә үзәгеннән дә  китеп була.

Шулай ук бу сезоннан республика халкы һәм туристлары өчен Казаннан «Бөек Идел юлы» бренд маршруты буенча теплоход турлары да бар.

Бүгенге көндә «Бөек Идел юлы» төбәкара туристлык проекты, ул Идел буе федераль округының 14 төбәген һәм 6 милләтне берләштерә.

Круизлар 3 көннән 7 көнгә кадәр дәвам итә, мәсәлән, түбәндәге шәһәрләргә барырга мөмкин:

Казан – Түбән Новгород – Чебоксар – Казан, 3 көн;

Казан – Алабуга – Пермь – Чайковский –  Чистай – Болгар – Казан, 7 көн;

Казан – Чебоксар – Козьмодемьянск –Түбән Новгород – Макарьево – Казан, 4көн;

Казан – Чистай – Сарапул – Пермь –  Чайковский – Алабуга –Түбән Кама– Казан, 7 көн.