«Россия – Ислам дөньясы: KazanForum» форумында катнашучылар өчен Татарстан буенча экскурсия программасы планлаштырылган
18-19 майда Казанда узачак «Россия – Ислам дөньясы: KazanForum» XIV халыкара икътисадый форумында катнашучылар һәм кунаклар өчен форум беткәч экскурсия программасы планлаштырылган.
Ул Татарстанның төп истәлекле урыннары, шул исәптән республика территориясендә урнашкан ЮНЕСКО Бөтендөнья мирасы объектлары белән танышырга мөмкинлек бирәчәк.
20 майда Казан Кремлендә һәм Иске Татар бистәсендә күзәтү экскурсиясе, шулай ук Зөя утрау-шәһәрчегенә күзәтү экскурсиясе узачак
21 майда 922 елда Идел буе болгарлары тарафыннан Ислам динен кабул итүне искә төшерүче чара уздырылган көнне Бөек Болгарга экскурсия булачак.
«Без форум кунакларын каршы алырга һәм рухи һәм дини мәдәниятебезнең уникаль үзәкләрен күрсәтергә шат булачакбыз. Болгар һәм Зөя – тарихи истәлекле урыннар гына түгел, ЮНЕСКО объектлары да. Болгар – 922 елда хәзерге Россия территориясендә дәүләт дине буларак Исламны кабул итүнең иң төньяк ноктасы. Хәзер анда Россиянең 26 төбәге һәм 6 чит ил вәкилләре дини ислам белемен ала. Свияжск борынгы православие гыйбадәтханәләре һәм бай тарихы булган уникаль утрау. Татарстанда тарихны саклауга зур игътибар бирелә, шуңа күрә республика картасындагы бу нокталар туристларны да, хаҗиларны да җәлеп итә. Биредә кунаклар рус һәм татар кунакчыллыгы атмосферасына чума, безнең тарих, иң тәмле аш-су белән таныша, төбәгебезнең матурлыгын бәяли ала», — дип хәбәр итте Татарстан Республикасының Туристлык буенча дәүләт комитеты рәисе Сергей Иванов.
«Россия-Ислам дөньясы: KazanForum» форумына Татарстанга дөньяның төрле илләреннән 15 меңнән артык катнашучы килер дип көтелә.