РФ Икътисадый үсеш министрлыгы урынбасары Дмитрий Вахруков «MITT 2023» 29 нчы Мәскәү халыкара күргәзмәсендә Татарстан стендын карады

2023 елның 17 марты, җомга

Быел стендта Татарстанда туристлык  өлкәсеннән 38 вәкил катнашты.

Дмитрий Вахруковның стендны караган  вакытта ТР Туристлык  буенча дәүләт комитеты рәисе Сергей Иванов туристлык тармагы үсеше нәтиҗәләре һәм республиканың 2022 елда  илкүләм проектларда катнашуы, шулай ук 2023 елга планнары турында сөйләде.

Аннары 2023 елга модульле капиталь булмаган урнаштыру чаралары буенча гаризалар әзерләү процессы турында фикер алыштылар. Моннан тыш, Сергей Иванов «Туризм.РФ» корпорациясе белән «Лаеш» туристлык территориясен булдыру турында сөйләште.

Дмитрий Сергеевич Татарстанда туристлык тармагының үсеш темпларын югары бәяләде һәм «Туристлык  һәм кунакчыллык индустриясе»  илкүләм проектына ярдәм итүнең барлык чараларында актив катнашырга чакырды.