ЯҢАЛЫКЛАР
Татарстан Республикасы халкына һәм кунакларына хәбәр итәбез, 25 августтан Ульяновск һәм Казан шәһәрләре арасында Идел елгасы буенча яңа рейслар эшли башлады.
Ике төбәк башкалалары арасында рейслар яңа заманча - «Метеор-2020» «Муса Җәлил» судносында башкарыла, ул 2023 елда А.М. Горький исемендәге Зеленодольск заводында төзелгән. Суднода пассажирлар өчен уңайлы шартлар тудырылган: салон эчендә юллар киңәйтелгән, багаж саклау өчен урыннар бүлеп бирелгән, Wi-Fi бар, мөмкинлекләре чикләнгән кешеләр өчен барлык шартлар каралган.
Татарстан Республикасының Туристлык буенча дәүләт комитеты рәисе, «Читтән керү туристлыгы» эш төркеме җитәкчесе булып торучы Сергей Иванов корреспондент белән әңгәмәдә 29 августта Мәскәүдә узган туристлык үсеше буенча стратегик сессия тәмамлангач, эш төркеменең эш нәтиҗәләре һәм киләчәккә планнары белән уртаклашты.
РФ Хөкүмәтенең Координация үзәгендә Михаил Мишустин җитәкчелегендә туристлыкны үстерүнең стратегик сессиясе булды. Хөкүмәт вәкилләре, тармак берләшмәләре, бизнес һәм төбәкләр 2030 елга кадәр эчке һәм тышкы туристлыкны үстерү буенча беренче чираттагы бурычларны билгеләде.
Стратегик сессиядә профильле ведомстволар, эксперт җәмгыяте һәм субъектлар башлыклары катнашты. Алар арасында - Татарстан Республикасының Туристлык буенча дәүләт комитеты рәисе Сергей Иванов, Россия туриндустрия берлеге президенты Илья Уманский, Россия туроператорлары ассоциациясе башкарма директоры Майя Ломидзе, рестораторлар һәм отельерлар федерациясе президенты Игорь Бухаров, «Cosmos Hotel Group» вице-президенты Анна Кувайцева, «Мантера» компанияләр төркеме бенефициары Александр Ткачев, «КАВКАЗ.РФ» акционер җәмгыяте генераль директоры Андрей Юмшанов, кече һәм урта эшкуарлыкны үстерү буенча федераль корпорация генераль директоры Александр Исаевич.
Электрон виза җибәрелү, шулай ук төркемле визасыз алмашулар кысаларында 2023 елның 26 августыннан 03 сентябренә кадәр Татарстан Республикасының Туристлык буенча дәүләт комитеты катнашында Иранда туристлык роуд-шоуы уза.
Җирле туроператорлар өчен Татарстанга бару мөмкинлекләрен тәкъдир итү ике шәһәрдә - 26 августта Мешхедта, 28 августта Тәһранда узды. Чарада Россия Федерациясенең Ирандагы Илчелеге Киңәшчесе Федоров Михаил Алексеевич булды. Бүген туристлык потенциалы Исфаханда тәкъдим ителәчәк. Соңгы чара 3 сентябрьдә Шираз шәһәрендә узачак.
Мәскәү урбанистик форумы мәйданчыгында «Зарядье» паркында цифрлаштыру һәм туристлык индустриясе өчен башка актуаль мәсьәләләргә багышланган ике эшлекле сессия узды. Тармак һәм үзебезнең ИТ-компанияләр вәкилләре Россиядә туристлык технологияләре базарының бүгенгесе һәм киләчәге турында сөйләштеләр. Очрашулар «Облачный город» БРИКС Халыкара инновацияләр форумы кысаларында узды.
«Технологияләр безне хыял сәфәренә җибәргәндә» исемле беренче дискуссия инновацияләрнең сәяхәтчеләр тәҗрибәсен ничек үзгәртүенә һәм алар белән үзара хезмәттәшлеккә йогынты ясавына багышланган иде.
Дискуссия кысаларында спикерлар тулаем Россиядә туристлык инфраструктурасы ихтыяҗдан артта кала дигән фикердә килештеләр һәм бу сервисның югары дәрәҗәсе булган сыйфатлы кунакханәләр җитмәүдән күренә. Шул ук вакытта барлык төбәкләрнең дә яхшы сыйфатлы контент җитәрлек күләмдә булган үз туристлык порталлары юк - шул сәбәпле потенциаль туристларга сәяхәтне планлаштыру катлаулы.
Татарстан Республикасы экскурсоводлары игътибарына!
Исегезгә төшерәбез, 2021 елның 20 апрелендәге 93-ФЗ номерлы Федераль закон нигезендә экскурсоводлар (гидлар), гид-тәрҗемәчеләр 2024 елның 1 июленә кадәр аттестациясез эшчәнлекләрен дәвам итәргә хокуклы.
Бүгенге көндә Татарстан Республикасында 225 экскурсовод аттестацияне уңышлы узды. Аттестацияләнгән экскурсоводлар турында мәгълүмат Экскурсоводларның (гидларның) һәм гид-тәрҗемәчеләрнең бердәм федераль реестрына кертелгән
2023 елның 1 августында «Туристлык һәм кунакчыллык индустриясе» илкүләм проекты ярдәмендә «Ялларда күрше шәһәрләргә чыгыгыз» коммуникация кампаниясе старт алды, аның ярдәмендә Россия буйлап сәяхәт итү җиңелрәк һәм уңайлырак була бара.
Бүген Татарстан Республикасында «Туристлык һәм кунакчыллык индустриясе» илкүләм проекты кысасында «Идел буе дәүләт физик культура, спорт һәм туризм университеты» югары һөнәри белем бирү федераль дәүләт бюджет мәгариф учреждениесе базасында «Туристлык өлкәсендә идарәне камилләштерү» федераль проектын гамәлгә ашыру максатларында туристлык тармагының кадрлар потенциалын үстерү үзәген (алга таба - Үзәк) тантаналы ачу булды.
Үзәк базасында туристлык территорияләрен үстерү проектларын эшләүгә юнәлдерелгән төбәк командаларын әзерләү гамәлгә ашырылачак. «Туристлык территорияләрен үстерү идарәсе: проект алымы» дигән һөнәри әзерлек программасы буенча беренче төркем- Самара өлкәсе, Башкортостан Республикасы һәм Татарстан Республикасы командалары укыячак.
Татарстанның елга ярларында урнашкан төп туристлык үзәкләре – Болгар, Зөя утрау шәһәре, Алабуга һәм Тәтеш. 2023 елның беренче җиде аенда үсеш узган елның шул ук чоры белән чагыштырганда уртача 18% тәшкил итте.
Туристлар агымының артуы Казаннан су аша барып җитү мөмкинлекләренең артуы белән бәйле
«Бүген без республика җитәкчелегенең яңа суднолар төзүгә, инфраструктураны яңартуга зур акчалар кертүен күрәбез һәм бу, әлбәттә, туристлык үзәкләренә бару өчен елга транспортыннан файдаланган туристлар санына шунда ук тәэсир итә», - дип билгеләде ТР Туристлык буенча дәүләт комитеты рәисе Сергей Иванов.
2023 елның 6 һәм 7 октябрендә Екатеринбургта Халыкара сәүдә үзәге мәйданчыгында EXPOTRAVEL-2023 халыкара туристлык күргәзмәсе узачак, ул традицион рәвештә көзге-кышкы туристлык сезонын ача.
Ел саен күргәзмәдә 120дән артык экспонент катнаша һәм күргәзмәне 6 000нән артык кеше карый.
Чараның даими катнашучылары- Урал федераль округының әйдәп баручы туристлык компанияләре, Россиянең, якын һәм ерак чит илләрнең эре туроператорлары, чит илләрнең туристлык вәкиллекләре, авиакомпанияләр һәм кунакханәләр. Күргәзмәнең традицион эшлекле программасында туристлык бизнесының актуаль мәсьәләләре буенча конференцияләр һәм түгәрәк өстәлләр, илләр һәм төбәкләр презентацияләре, мастер-класслар һәм воркшоплар.