Татарстан Республикасының Туристлык буенча дәүләт комитеты

Яңалыклар

2018
  • 2018
  • 2017
  • 2016
  • 2015
  • 2014
  • 2013
  • 2012
  • 2011
  • 2010
  • 2009
  • 2008
  • 2007
  • 2006
  • 2005
  • 2004
  • 2003
  • 1998
гыйнвар
  • гыйнвар
22 гыйнвар 2018 ел., дүшәмбе
  • 17.01.2018

    Апрель аенда Минск шәһәреннән Казанга туры авиарейс ачылачак

    «Белавиа» Һава юллары компаниясе 26 нчы апрельдә Минск шәһәреннән Казанга туры авиарейс ача. Минск шәһәреннән Казанга Мәскәү вакыты белән 23 сәгать 50 минутта сишәмбе, пәнҗешәмбе, җомга һәм якшәмбе көннәрендә очып китәргә мөмкин булачак. Кире авиарейс Татарстан башкаласыннан Мәскәү вакыты белән 4 сәгать 30 минутта дүшәмбе, чәршәмбе, җомга һәм шимбә көннәрендә очып китәчәк.
  • 17.01.2018

    Казан Идел буе федераль округыныӊ туристик шәһәрләре рейтингын җитәкли

    Россиянеӊ кунакханәләр броньлау сервисы Tvil.ru 2017 нче ел нәтиҗәләре буенча Идел буе федераль округыныӊ туристлар арасында иӊ танылган шәһәрләрен билгеләде. Рейтинг 2017 нче елга кунакханәләр һәм апартаментлар броньлау күрсәткечләре буенча төзелгән. Казан, Түбән Новгород, Самара, Пермь, Уфа, Саратов, Ижевск, Ульяновск, Чабаксар һәм Саранск шәһәрләре Идел буе федераль округыныӊ туристлар арасында иӊ танылган шәһәрләренеӊ беренче унлыгына керделәр. Казань, Түбән Новгород, Самара һәм Саранск шәһәрләре 2018 нче елныӊ июнь һәм июль айларында футбол буенча FIFA дөнья чемпионаты матчларын кабул итәчәкләр. Казан, Түбән Новгород, Самара шәһәрләрендә Дөнья чемпионаты – 2108 неӊ 6-шар матчы узачак, ә Саранск шәһәрендә – 4 матч. Tvil.ru күрсәткечләре буенча, узган ел туристлар Казан шәһәрендә, уртача алганда, дүрт төнгә кунакханә һәм фатирлар броньлаганнар һәм бер тәүлек яшәү өчен 3,1 меӊ сум акча түләгәннәр.  
  • 12.01.2018

    Сергей Иванов Венада Татарстанныӊ туристлык потенциалын тәкъдим итте

    Татарстан Республикасы Туризм буенча дәүләт комитеты рәисе Сергей Иванов Дөнья чемпионаты – 2108 не кабул итә торган шәһәрләрнеӊ мәдәният-туристик потенциалын тәкъдир итү сессиясенеӊ пленар утырышында чыгыш ясады. Исегезгә төшерәбез, 11 нче январь көнне анда Ferien Messe Wieт – 2018 халыкара туристлык күргәзмәсе ачылды. Әлеге күргәзмә 11-13 нче январь көннәрендә узачак. Бүген күргәзмәдә «Дөнья чемпионаты – 2018 не кабул итә торган шәһәрләрнеӊ гастрономик брендлары» исеме астындагы тематик секция узды. Анда Татарстанныӊ төп гастрономик бренды булган Чәк-чәк куелган иде. Шулай ук, Татарстан Республикасыныӊ туристлык мөмкинлекләрен тәкъдир итә торган аерым стенд та тәкъдим ителгән иде.
  • 11.01.2018

    Чистай дәүләт музей-тыюлыгы яӊа туристик продукт эшләп җитештерде

    Чистай дәүләт тарих-архитектура һәм әдәбият музей-тыюлыгы яӊа туристик продукт эшләп җитештерде. Бу «Чистайда сәүдәгәр атналыгы» исеме астындагы уникаль интерактив программа Әлеге программада беренче төркем Яӊа ел алдыннан булды. Кунаклар Казаннан килгән иделәр. Әлеге программаныӊ уникальлеге: кунакларга сәүдәгәр шәһәрендә бер көн яшәргә тәкъдим ителә. Сәүдәгәр шәһәрендә яшәү тиешле атрибутика белән үрелеп бара – тарихи үзәк буйлап йөрү, гыйбадәтханәдә булу, сәүдәгәр аш табыны, чын сәүдәгәр йортына бару, анда аларны йорт хуҗалары каршы алалар һәм күӊелләрен күрәләр.  
  • 10.01.2018

    «Кыш Бабай һәм Кар кызы резиденциясен»дә 6500 дән артык кеше булды

    Арча районы Яӊа Кырлай авылында урнашкан «Кыш Бабай һәм Кар кызы резиденциясен»дә Яӊа ел каникуллары вакытында 6500 дән артык кеше булган. Чагыштыру өчен, узган елны шушы ук чорда әлеге күрсәткеч 5000 иде. Исегезгә төшерәбез, «Кыш Бабай һәм Кар Кызы резиденциясе» Ия елгасы буенда, Казаннан 80 километрда Яӊа Кырлай авылында урнашкан. Әкияткә сәяхәт урман аланында башлана, анда кунакларны Шайтан каршы ала һәм кыш бабайныӊ биләмәсенә алып бара. Кыш бабайныӊ йортына кадәр кунакларга Шүрәле картасы буенча барырга туры килә. Кунакаларны юлда күпсанлы маҗаралар көтә – борынгы әкиятләр, катлаулы табышмаклар, тылсым һәм могҗизалар һәм, шулай ук, әкият геройлары: Шүрәле – барлык урман юлларын һәм сукмакларын белүче (Урман иясе), дустанә һәм явыз булмаган Шайтан (Җен), күӊелле Убырлы Карчык, борынгы Аҗдаһа, көчле һәм кыю Батыр, гүзәл Алтынчәч, гашыйклар Таһир һәм Зөһрә – алар барысы да күпсанлы сынаулар белән сәяхәтчеләрнеӊ күңелләрен күтәрәчәкләр. Килергә теләүчеләр өчен резиденция 28 нче январьгә кадәр ачык.  
  • 09.01.2018

    Казан Раштуа бәйрәмендә популяр шәһәрләрнеӊ беренче бишлегенә керде

    Казан Раштуа сәяхәтләре өчен популяр шәһәрләрнеӊ беренче бишлегенә керде, ә курорт-шәһәрләрне исәпкә алмаганда – беренче өчлеккә. Әлеге мәгълүматны танылган кунакханәләр броньлау сервисы күрсәткечләре дәлилли. Сервис күрсәткечләреннән чыгып караганда, туристлар Татарстан башкаласында январьнеӊ беренче ункөнлегендә, уртача алганда, дүрт төнгә кунакханә броньлаганнар һәм гаилә белән бер тәүлек яшәү өчен 4 меӊ сум акча түләгәннәр. Мәскәүдә – биш төнгә (3,8 меӊ сум бер тәүлеккә), ә Санкт-Петербургта – 4,5 төнгә (4,7 меӊ сум бер тәүлеккә). Лидерлар унлыгына түбәндәге шәһәрләр керә: Мәскәү, Санкт-Петербург, Сочи, Казан, Ялта, Ярославль, Калининград, Кисловодск, Вологда һәм Бөек Новгород. Рейтинг агымдагы елныӊ 6-8 нче январь көннәрендә кунакханәләр һәм апартаментлар броньлау нәтиҗәләреннән  чыгып төзелгән.
  • 22.12.2017

    Татарстанда «Туризм лидеры» бәйгесендә җиӊүчеләрне бүләкләү тантанасы булды

    2017 нче елныӊ 22 нче декабрендә 10:00 сәгатьтә Казан ратушасыныӊ колонналар залында туризм өлкәсендә «Туризм лидеры» еллык республика бәйгесендә җиӊүчеләрне бүләкләү тантанасы булды. Тантанада Татарстан Республикасы Премьер-министрының беренче урынбасары Рөстәм Нигъмәтуллин һәм Татарстан Республикасы Туризм буенча дәүләт комитеты рәисе Сергей Иванов катнаштылар. Бәйге 2001 нче елда «Туризм – XXI гасыр» исеме астында үткәрелә башлаган. 2016 нчы елдан ул «Туризм лидеры» исеме астында уздырыла. Бәйгенең максаты – туристлык базарының иң яхшы вәкилләрен һәм юнәлешләрен ачыклау, туристлык бизнесын, Татарстан Республикасы икътисады үсешенә үзеннән зур өлеш кертә алырдай итеп, Татарстан Республикасында югары нәтиҗәле һәм көндәшлеккә сәләтле заманча туристлык комплексын булдыру мәсьәләсен хәл итү максатында берләштерү һәм аӊа этәргеч бирү.  
  • 20.12.2017

    Болгар музей-тыюлыгы «Үткәннәр белән кышкы очрашулар» әзерләде

    Яӊа ел бәйрәмнәренә Болгар музей-тыюлыгы «Үткәннәр белән кышкы очрашулар» театральләштерелгән тамаша әзерләде, дип хәбәр итә мәгълүмат хезмәте. Махсус бәйрәм программасы 3, 4 һәм 6 нчы январь көннәрендә күрсәтеләчәк. Музейныӊ һәр объекты көн саен ачык булачак. Яӊа ел чыршысы янында үзәк мәйданда Истәлек билгесе янында кунакларны тарихи персонажлар каршылаячак: Хан, Ханбикә, Петр I и Екатерина II. «Үткәннәргә сәяхәткә» барлык килүчеләрне иӊ мөхтәрәм хакимнәрнеӊ берсе каршы алачак. Күңелле шамакайлар Яӊа ел әйлән-бәйлән җырлары вәгъдә итәләр. Шулай ук барлык теләүчеләр өчен тарихи уеннар оештырылачак, аларда катнашучылар төрле бәйгеләрдә катнаша алачаклар. Алар җитезлектә, төгәллектә, тизлектә ярышачаклар. Шулай ук чаналарда шуу һәм болгар коймаклары белән чәй эчү мөмкин булачак.
  • 19.12.2017

    «Свияжскида Яӊа ел алдыннан» программасыныӊ аннотациясе

    Свияжск утрау-шәһәре Русьтә Яңа ел һәм Раштуа бәйрәмнәрен бәйрәм итү традицияләрен белергә чакыра: бу бәйрәмнәр ничек барлыкка килгән, чыршы бизәү һәм бүләкләр бирү гадәтләре каян килеп чыккан, кышкы бәйрәмнәргә нинди бүләкләр бирү кабул ителгән булган һәм безнеӊ як территориясендә ул кышкы бәйрәмнәрне, гадәттә, ничек билгеләп үткәннәр. Программада сезне яӊа белемнәр, борынгы уеннар, «Раштуа» күләгә театры, агачтан гадәти Яӊа ел уенчыклары ясау буенча мастер-класслар көтә. Программа 1,5 сәгать дәвам итәчәк Бәясе: 200 сум Яшь категориясе: 1-11 класслар
  • 18.12.2017

    Сергей Иванов «Подписка бүләк ит» хәйрия акциясендә катнашты

    Татарстан Республикасы Туризм буенча дәүләт комитеты рәисе Сергей Иванов «Подписка бүләк ит – 2018» хәйрия акциясендә катнашты. Чарада Республика министрлыклары һәм ведомстволары җитәкчеләре катнаштылар. Ул 2018 нче ел беренче яртыеллыгына «Татмедиа» акционерлык җәмгыяте басмаларына – Спас Өлкәннәр һәм инвалидлар йорты өчен «Чаян» һәм Татарстан Республикасы Менделеевск муниципаль районында урнашкан «Өмет яры» халыкны социаль тәэмин итү комплекслы үзәге өчен «Татарстан» журналларына язылды. «Подписка бүләк ит» хәйрия акциясе Татарстанда «Татмедиа» акционерлык җәмгыяте инициативасы белән инде газета-журналларга язылуныӊ өченче сезонында үткәрелә. Әлеге проект кысаларында дәүләт хакимияте башлыклары, министрлыклар, ведомстволар, югары уку йортлары вәкилләре хәйрия максатыннан сугыш  ветераннарына, балалар йортына, өлкәннәр һәм инвалидлар интернат-йортларына һәм башка иҗтимагый оешмаларга Татарстан газета-журналларына язылу бүләк итәләр.  

Битләр: ( 1 ) 2 3 4 5 6 7 8 9 10 >>

Copyright © 2003-2018
Хата таптыгызмы? Сүзне яки җөмләне билгеләгез һәм CTRL+ENTER басыгыз
Яндекс цитирования