ЯҢАЛЫКЛАР


5
июль 2018 ел.
пәнҗешәмбе

Visit Tatarstan бренды белән аккредитацияләнгән 65 объект FIFA2018 футбол буенча Дөнья Чемпионатының беренче нәтиҗәләрен ясады. Алар арасында кафе, барлар һәм рестораннар. 

 Сораштыру күрсәткәнчә, Чемпионатның 20 көне дәвамында Казанның аккредитацияләнгән кафе һәм рестораннарда 21 125 өчпочмак ашалган һәм 87 927 литр сыра эчелгән. 

Россия җанатарларының уртача чегы - кешедән 1500 сум. Чит ил җанатарларының уртача чегы - кешедән 2000 сум. 

Иң мөләем җанатарлар Колумбиядән булган икән. «Перекрёсток Джаза» ресторанында җанатарлар кичке аштан соң шеф-пешекчене үзләре янына чакыртып, рәхмәт йөзеннән җыр башкарганнар. 

7 июль көнне Балык бистәсендә "Балыкчы көне" дип исемләнгән һәръелгы бәйрәм узачак. Чара сәгать 14.00 дә балыкчылар ярышыннан башланып китәчәк, 17.00 вакыйгалар поселокның яр буена күчәчәк. Интерактив программа, ял итү, көймә ярышы һәм уеннардан тыш кунаклар "Николай улының патшаларча чын УХАсы"н да татып карый алачаклар. Моннан тыш, балалар өчен күңел ачу мәйданчыгы эшләп киләчәк. 
21.00 да зур экранда Россия-Хорватия матчы күрсәтеләчәк. 

4
июль 2018 ел.
чәршәмбе

WELCOME FOODBALL CUP "Россиянең гастрономик картасы" дип исемләнгән төбәкара ашханәләрнең бишенче фестивале Казанда 6 июль Бразилия - Бельгия матчы көнендә узачак. Фестивальнең мәйданчыгы Горький исемендәге ял һәм күңел ачу Үзәк паркында урнашачак. 11 мобиль рестораннар иртәнге 11 дән кичке 10 гә кадәр ачык булачак. Фестивальнең командасы "экваторны" 28 июнь көнне Калининградта үткәрде, анда WELCOME FOODBALL CUP "Россиянең гастрономик картасы" дип исемләнгән төбәкара ашханәләрнең фестивалендә чит ил һәм Россия җанатарлары, һәм шулай ук, Калининград яшәүчеләре үзләре дә катнаша алды. Илебезнең иң көнбатыш шәһәрендә шеф-пешекчеләр, рестораторлар һәм Россиянең азык-төлек җитештерүчеләр тарафыннан махсус Балтия менюсы тәкъдим ителде. 

 Мөгаен, 2018 елның Дөнья Чемпионаты җанатарлары өчен Балтия ризыклары белән бер кулга сыярлык гаҗәеп зур төрлелектә танышу өчен бердәнбер мөмкинлек булгандыр. 


2
июль 2018 ел.
дүшәмбе

Татарстан Республикасының туризм буенча Дәүләт комитеты рәисе Сергей Иванов инде танылып җитешкән инглиз җанатары Джастин Уоллей белән очрашты. Очрашу формаль булмаган рәвештә узды һәм анда Джастинның тарихы белән кызыксынган журналистлар булды. 

Искә төшереп узыйк, инглиз җанатары үзенең Казан шәһәре белән таң калуын һәм туризм өлкәсендә эш табырга теләвен интернет социаль челтәрендә белдергәч танылды. Бу вакыйгадан соң ул комитетка чакырулы иде. 


28
июнь 2018 ел.
пәнҗешәмбе

Футбол буенча FIFA 2018 дөнья чемпионаты үзенең экваторына якынлашып бара. Әлегә Татарстан Республикасына күпме кунак килүе турында әйтергә иртәрәк, әмма аларга бездә ошавын һәм нәрсәләр белән кызыксынуларын төгәл әйтә алабыз. 

 

Казан шәһәренең мәгълүмати-туристик үзәгенең төп офисы биргән мәгълүматларга күз салсак, Футбол буенча FIFA 2018 дөнья чемпионаты вакытында экскурсия хезмәте артыннан күбесенчә Колумбия һәм Иран кунаклары мөрәҗәгать иткән. Шулай ук Алмания, Бөек Британия, Испания, Австралия, Франция, Израиль кебек илләрдән дә туристлар булган. 


 

Иң таралган сораулар арасында түбәндегәләре: 

1. Акчаны кайда алмаштырырга була?

2. Ничек итеп елга буенча сәяхәтләргә барып була?

3. Шәһәр карталарына һәм гидларга теләк белдерү

4. Казан һәм Татарстан Республикасы буенча экскурсиягә теләк белдерү

5. Кайда тәмле итеп милли ризык белән сыйланып була? 

6. Кайда сим карталар сатып алырга мөмкин? 

Казанның экскурсия үзәге мәгълүматлары буенча, 16-28 июнь көннәрендә иң зур соралган экскурсияләрнең берсе - Зөя утрау-шәһәрчегенә сәяхәт. Шуны әйтеп узарга кирәк, FIFA2017 Конфедерацияләр Кубогы вакытында Казан буенча экскурсияләр иң популяры иде.

 Эш барышында җанатарлар гадәти булмаган сораулар белән дә мөрәҗәгать иткәннәр. Мәсәлән, Ираннан килгән җанатарның хатыны өчен инвалид коляскасын эзләү һәм сатып алу. Коляска, әлбәттә, табылды, һәм Ираннан килгән кунагыбыз чемпионат тәмамлануга бу колясканы игелек үзәгенә тапшырачак. Иран җанатарлары өчен "Охотничья традиция" дип исемләнгән ял итү базасына сәяхәт оештырылды, анда алар балык тоту, рус мунчасына керү һәм башка кызыклы вакыйгалар белән таныштылар. 

Үз эшләрен Казан шәһәренең мәгълүмати-туристик шатерлары да алып бара. Алар шәһәрнең 5 ноктасында урнашканнар: Бауман урамы, 86 йорт, Бауман урамы һәм К.Нәҗми урамы киселеше, Вокзал алды мәйданы, Беренче май мәйданы, Камал театры алды мәйданы. Шатерлар иртәнге 9.00 кичке 21.00 кадәр ачык.

13.06-25.06 көннәрендә барлыгы якынча 17 000 кеше шатерларга кергән. 

Мәгълүмати шатерга белешмәләр артыннан 1992 һәм 1996 елларның йөзү буенча Колумбия олимпия җыелмасының уенчысы Бустаменте Рамирес Хуан Мануэль да мөрәҗәгать иткән. Туристик волонтерлар аңа бик теләп ярдәм иткәннәр һәм истәлеккә фотога да төшкәннәр. 

Шунысын әйтеп үтәргә кирәк, мәгълүмати шатерга керүчеләр махсус буклетлар һәм карталарны инглиз, алман, фарси, испан һәм кытай телләрендә ала алалар. Аларның эчтәлеге җанатарларның теләкләре буенча махсус тулыландырылган: Татарстанның төп туристик үзәкләре турында мөһим мәгълүмат, Must Visit Tatarstan дигән исемлек, дөнья чемпионаты турында мәгълүмат (җанатарлар өчен фан-зона һәм уеннар җәдвәле). Бу белешмә буклетлары Казан, Свияжск һәм Бөек Болгар буенча маршрутлар белән таныштырыр. 

Татарстан Республикасының туризм буенча Дәүләт комитетында Сергей Иванов һәм Катардан килгән рәсми делегация арасында очрашу узды. Кунаклар 2022 елда планнаштырылган футбол буенча дөнья Чемпионаты кысаларында Республикабызга танышу нияте белән килгәннәр. 

 Чара барышында Россиядә узучы Чемпионатка кагылышлы һәм Татарстанда туризм өлкәсенең үсеше турында сораулар сөйләшенде. Кунакларны кызыксындырган темаларның берсе буларак Россиядә һәм аның чикләрендә Татарстанны алга этәрү булды. Катардан килүче вәкилләр дөнья чемпионаты алдыннан Татарстан Республикасының ничек итеп үсүе һәм танылуы, кайсы илләрдән һәм нинди ысуллар белән Татарстанга җанатарлар чакырылуы белән кызыксындылар. 

Туристик волонтерларның эше дә игътибарсыз калмады. Искә төшереп китәбез, "Кунакчыл Казан" проекты кысаларында шәһәр үзәгендә урнашкан 5 махсус шатерларда "Татарстан Республикасының туристик волонтерлар ассамблеясы" катнашучылары эшли. Волонтерларның үз эшләрен алып барулары, чемпионат кунакларына мөнәсәбәтләре зур чараларны оештыруда төп ярдәм итүчеләрнең якты мисалы итеп билгеләнде. 

Катар вәкилләренә Visit Tatartsan дип исемләнгән махсус сувенир продукциясе дә бик ошады, Сергей Иванов аларга бу әйберләрне кайда сатып алырга мөмкин икәнен һәм ничек итеп таратылуын аңлатып бирде. 

Шулай ук, аралашу өчен кызыклы сораулар арасында кунакханәләр һәм рестораннар белән нинди эш алып барылганы, бер номерлар фонды һ.б. бар иде. 

Очрашу азагында истәлеккә фото төшерелде. 

Искә төшереп узыйк, 26 июнь көнне Катар делегациясенә шәһәр пресс-үзәгендә Татарстан Республикасының презентация зонасы күрсәтелде. 


22
июнь 2018 ел.
җомга

Твиттерда инглиз җанатары Джастин Уоллей урнаштырган хәбәр популярлык җыя. Казанга футбол буенча дөнья чемпионатына килгән җанатарга шәһәр шуның кадәрле зур тәэсир калдырган ки, хәтта ул хәзер монда яшәргә һәм туризм өлкәсендә эш табырга да тели икән.

Үзенең аккаунтында Джастин Татарстан турында тәэсирләр белән рәхәтләнеп бүлешә, һәм, чыннан да, аңа бездә барысы да ошый ахры. Җанатар биредәге ризыкларны бик мактый, аеруча, милли колорит белән барлыкка китерелгән фастфудны. Моннан тыш, аңа паблар, җанатарлар фестивале зонасы, шәһәр һәм үзе бушка утырып килгән поезд да бик ошый. 

 Кунакның мондый мөнәсәбәте игътибарсыз калмады: аның энтузиазмын Татарстан Республикасының туризм буенча Дәүләт комитеты күтәреп алды һәм хәзер ул комитет рәисе Сергей Иванов белән шәхси очрашуга чакырулы. "Без һәрвакыт Республикабызга карата булган ихлас кызыксынуга бик шатбыз һәм бездә эшсөючән кешеләр өчен һәрвакыт эш бар", - дип ведомстворың пресс-хезмәте исеменнән язылган җавап хатында әйтелә. 

 

Джастинның Твиттерына сылтама: https://mobile.twitter.com/JustinWalley10


19
июнь 2018 ел.
сишәмбе

 

Татарстан Республикасының туристик потенциалы футбол буенча дөнья чемпионатының шәһәр пресс-центрында тәкьдим ителгән. Visit Tatarstan стендында туристик волонтерлар кунакларны төп тарихи урыннар белән таныштыралар. Пресс-центрга керүчеләр буклетларны һәм карталарны инглиз, алман, фарси, испан һәм кытай телләрендә ала алалар. Шулай ук, үзләренә истәлеккә матур тәбрикләмәләр дә калдыру мөмкинлеге бар. 

Tvil.ru Россия торак броньлау сервисы футбол буенча Дөнья Чемпионатының плей-офф стадиясе вакытында туристлар арасында популяр булган шәһәрләрләрне билгеләде. 

Рейтинг 2018 елның 30 июнь-15 июль көннәрендә кунакханәләр һәм тораклар броньлау нәтиҗәләре буенча төзелгән. 

Мәскәү, Санкт-Петербург, Сочи, Казан һәм Түбән Новгород - 2018 елгы Дөнья Чемпионатының плей-офф уеннары көннәрендә туристлар арасында популяр булган шәһәрләрләр рәтендә.

16 июнь көнне Татарстан Республикасының туризм буенча Дәүләт комитетында рәис Сергей Иванов Vatel группасының президенты дһәм барлыкка китерүчесе Алан Себбан һәм Россия Халыкара Туризм Академиясе вәкилләре белән очрашты. Очрашуда катнашучылар сервис һәм кунакчыллык өлкәсендә хезмәткәрләр әзерләү буенча киләсе хезмәттәшлек һәм үзара уртак эш алып бару юллары турында сөйләштеләр. 

 


ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования