ЯҢАЛЫКЛАР


18
октябрь 2018 ел.
пәнҗешәмбе

Татарстан Республикасының туристлык буенча дәүләт комитетының туристик продуктны алга этәрү бүлегенә «белгечләр» категориясе вазифаларының әйдәүче төркеме буенча кадрлар резервына кертүгә бәйге игълан ителде.

Бәйгедә катнашу өчен документлар 2018 елның 18 октябреннән 7 ноябренә кадәр Татарстан Республикасының туристлык буенча дәүләт комитетының эш көннәрендә (9.00 сәгатьтән 18.00 сәгатькә кадәр) кабул ителә. Бәйгене үткәрү өчен фараз ителгән көн-2018 елның 23 ноябре. 

Бәйгене үткәрү урыны-Казан шәһәре, Кремль урамы, 35нче йорт (тест) һәм Казан шәһәре, М. Горький урамы, 19нчы йорт (дәүләт комитетының бәйге комиссиясе тарафыннан үткәрелә торган шәхси әңгәмә).

Бәйгене үткәрү тәртибе турында өстәмә мәгълүмат алу өчен дәүләт комитетының кадрлар һәм юридик эш бүлегенә алдагы телефон номерлары буенча мөрәҗәгать итәргә мөмкин: (843) 222-90-29, 222-90-27. Булачак бәйге турында тулырак мәгълүмат дәүләт комитетының http://tourism.tatarstan.ru/rus/konkurs-na-vklyuchenie-v-kadroviy-rezerv.htm рәсми сайтында урнаштырылган.


12
октябрь 2018 ел.
җомга

2017 елның гыйнвар-сентябрь чоры белән чагыштырганда 2018 елның гыйнвар-сентябрь чорында Татарстанның төп туристик үзәкләрендә туристик агымының 7,1% ка үсеш күзәтелә.

Туристлар саны үсешен Казан Кремле һәм Чистай шәһәре күрсәтә, анда агымның үсеше 2017 елның чоры белән чагыштырганда тиешенчә 11,4% һәм 12,2% тәшкил итә. Казан Кремлен 2 466 200 кеше күрергә килгән. Бөек Болгар 485 мең турист каршы алган, ә 2018 елда Зөя утрау-шәһәрчегенә 450 мең турист килгән.

2018 елның гыйнвар-август айларында туристлык өлкәсендә түләүле хезмәт күрсәтү күләме 8,3 млрд. сумнан артык тәшкил иткән. Бу 2017 елның шул ук чорына караганда 3,4% ка күбрәк.

2018 елның 8 ае эчендә Казан шәһәре кунакханәләренең уртача тулуы 62% тәшкил иткән, 2017 елның шул ук чорында 58% булган. Әгәр дә 2017 һәм 2018 елларының август күрсәткечләрен чагыштырсак, быелгы сан 2% ка югарырак.

Шулай ук һава транспортында йөк һәм пассажирлар ташу саны артуы күзәтелә:

«Казан» халыкара аэропорты гыйнвар-сентябрь айларында 2 461 389 пассажир алып барган, 2017 елның шул ук чорында 1 994 501 пассажир булган. Гомуми пассажирлар агымының 62,4% эчке юнәлешләр белән бәйле. Халыкара пассажирлар агымы узган елның шул ук чоры белән чагыштырганда 27% ка арткан.

«Бегишево» халыкара аэропорты 2018 елның 9 ае эчендә рейслар санын 24,1% ка арттырган, һәм аларның саны 2 995 рейс тәшкил иткән, пассажирлар ташу саны 2017 елның гыйнвар-сентябрь чоры белән чагыштырганда 34,5% ка арткан.


8
октябрь 2018 ел.
дүшәмбе

7 октябрьдә «Ривьера» Казан кунакханәсенең төп керү урыны янында дистә ярым кыю велосипедчы катнашкан Global Bike Tour for Peace and Goodwill – «Дөнья шоссесы» велочабышның финалы үтте.

Бу дөньяга һәм игелекле ихтыярга багышланган зур велочабыш Рәсәйдә һәм Ауропа, Төньяк Америка, Кытай, Азия илләрендә үтте. Владивостоктан Әлмәткә кадәр юлның соңгы этабы 10 мең километрдан артык тәшкил итте.

Сәяхәт катнашучылары бүген тантаналы рәвештә «Ривьера» янына килеп туктадылар. Анда катнашучыларны дуслары, хезмәттәшләре, журналистлар көтеп торганнар. Рәсәй, Германия, Франция велосипедчылары үзенең үрнәге белән педаль әйләндереп тә гади кешеләр арасындагы чикләрне җимерү мөмкинлеген күрсәтте.

Татарстанның велосипедчылар берләшмесенең президенты Илдус Янышев үзенең 13 илләр буенча сәяхәт белән бәйле хис-кичерешләре белән уртаклашты.

«17 ай эчендә 13 ил буенча сәяхәт иттем — менә хәзер өйдә булуым белән бәхетле. Үз хисләремне тасвирларга авыр — диде Янышев. —  Мондый сәяхәт турында мин гомере буе хыялландым, беренче велосипед сатып алганнан бирле».

Үзенең велоузышта катнашу тәҗрибәсе турында чабышның иң үзенчәлекле катнашучысы 1-нче төркем инвалид Алексей Костюченко сөйләде. Спорт хакына ул инвалидлар өчен интернатны ташлады. Анда ул 17 яшь үткәргән. 

Костюченко велотур юлының өлешен Янышев белән берлектә хендбайкта (кул приводы белән тәэмин ителгән велосипед) үткән. Аның аппаратында «Сталинград. Бөек көрәшкә 75 ел» язмасы беркетелгән иде. Нәкъ менә Волгоград ротари-клубында Костюченко привод белән тәэмин ителде.

Велотурга ул апрель аенда Санкт-Петербургта кушылган, июль аенда ул Владивостокка килеп җиткән, аннан соң ул самолетта Самарага кадәр очкан һәм кабат үзенең хендбайгына утырып Казанга кадәр барган. Барлык шәһәрләрдә ярышны позитив рәвештә һәм дусларча каршы алдылар дип сөйләде Костюченко.

 

Тулырак: https://www.tatar-inform.ru/news/2018/10/07/629213/


2
октябрь 2018 ел.
сишәмбе

Бүген Казан туроператорлары өчен Габдулла Тукай әдәби музеена реклама туры үткәрелде. Бу елның августы ахырында музейның яңартылган экспозициясе ачылды. Музейның экспозициясе килүчеләрне Габдулла Тукай язмышы һәм иҗаты белән, аның Сембер губернасына, Нижгарга, Әстерханга, Өфәгә, Троицка һәм Санкт-Петербургка сәяхәтләре белән таныштыра. Музейда шагыйрьнең исән чагында бастырылган китаплары, аның фоторәсемнәре, шулай ук ул хезмәттәшлек иткән редакцияләрнең гәзитләре һәм журналлары, шәхси әйберләре тәкъдим ителгән.

Күпсанлы пассажирлар cоравы буенча 9 декабрьдән Куйбышев филиалының «ФПК» АҖнең 125/126 нче номерлы Самара-Казан яңа пассажирлар поезды билгеләнгән.

Поезд көн саен Самарадан 20 сәгать 26 минутта кузгала һәм Казанга 6 сәгать 20 минутта килеп җитә, юл вакыты 10 сәгать 54 минут тәшкил итә. Казаннан поезд 21 сәгать 20 минутта кузгала һәм Самарага 8 сәгать 40 минутта килеп җитә,  юл вакыты 10 сәгать 20 минут тәшкил итә.

Самара-Казан яңа пассажирлар поезды киләсе тукталышларда туктый: Чапаевск, Безенчук, Сызран - 1, Үзәк Ульяновск, Буа, Яшел Үзән.

Поезд составында купелы һәм плацкартлы вагоннар бар.

Юл йөрү документларын барлык еракка йөрүче поездларга билетлар сату кассаларында тимер юл вокзалларында һәм интернет аша сатып алып була.

Маршрутлар, еракка йөрүче поездлар хәрәкәте графигы һәм билетлар бәясе турында тулырак мәгълүматны «Рәсәй Тимер Юллары» ААҖ рәсми сайтында, «Пассажирлар өчен Рәсәй Тимер Юллары» мобиль кушымтасында һәм бушлай 8 (800) 775-00-00 телефоны буенча белеп була.


27
сентябрь 2018 ел.
пәнҗешәмбе

2018 елның 26-27 октябрьләрендә Чабаксар шәһәрендә Russian Event Awards 2018 ПФО һәм УФО милли премиясенең региональ бәйгесе узды. Татарстан Республикасын бәйгедә 27 катнашучы яклады. Russian Event Awards 2018 вакыйгаи туристлык өлкәсенең милли премиясенең  гомуммилли финалына Татарстан Республикасынан 25 проект үтте.

 

Бүген Татарстан Республикасының туритстлык буенча дәүләт комитетында Ботендөнья туритслык көне уңаеннан туристлык тармагының вәкилләрен бүләкләү тантанасы узды.

Дәүләт комитетының рәисе Сергей Иванов кунакханә җитәкчеләренә, рестораторларга, туроператорларга, экскурсиячеләргә, укытучыларга, музей хезмәткәрләренә, муниципаль хезмәткәрләргә, туристларга 1001 ләззәт һәм онытылмаслык истәлекләр бүләк итү бурычы белән берләшкән барлык кешеләргә мактау грамоталарын һәм рәхмәт хатларын тапшырды.

Татарстанның Дәүләт Киңәшчесе, “Яңарыш” республика фонды попечительләр советы рәисе Минтимер Шәймиев волонтерларга лидерлыкны саклап, беренчелекне башкаларга бирмәскә киңәш итте. Казан Кремлендә узган “Татарстан Республикасының туристик волонтерлар ассамблеясе” волонтерлары белән очрашудаул волонтерлар хәрәкәтенең илдә беренчеләрдән булып Татарстанда оешуын искә алды.

Яшьләрне сәламләп, Минтимер Шәймиев Россия Президенты Владимир Путин тарафыннан бу елның волонтерлар елы дип игълан ителгәнен искәртте. "Минем аңлауда волонтерлар изге эшләр эшләп, кешеләрне яратучылар. Ихластан ярдәм итәргә теләүче яшьләрнең киләчәге уңышлы булачак. Бу бөтен җәмгыять өчен хезмәт итү. Бу һәркайсыгыз өчен уңышка юл", - дип мөрәҗәгать итте Минтимер Шәймиев.

Дәүләт Киңәшчесе кыска гына чорда туризм тармагы үсеш алып, аның дәүләт өчен мөһимлеген әйтте. "Без бу хакта сөйләшә идек, ләкин ул ерактагы төшенчә кебек иде. Хәзер инде барлык юнәлешләрдә ияләштек кебек. Алдынгы илләрнең күпчелеге туризм белән шөгыльләнә. Дәүләт казнасын тулыландыру өчен ул әһәмияткә ия. Туризмнан керемнәр кайвакыт башка тармакларга караганда да күбрәк", - ди Шәймиев.

Минтимер Шәймиев яшьләргә беркайчан тулысынча канәгать булып кына яшәмәскә киңәш итте. "Бөтенесе булды, дип канәгать булып, мич башына менеп ятсаң, бер кеше китереп бирми", - диде.

Ул соңгы елларда халык күңеленең рухи яктан үзгәрүен, яңарышка омтылуын билгеләп узды. Казан Кремле, Болгар, Зөя утрау-шәһәрчеген ЮНЕСКО Бөтендөнья мирас исемлегенә кертү буенча башкарылган эшләрне искәртте. Дәүләт Киңәшчесе яшьләрнең күңеленә бу казанышларның кыйммәте үтә дә зур булуын сеңдерергә тырышты. Моны зур коллектив тырышлыгы нәтиҗәсе булуын ассызыклады. Дәүләт Киңәшчесе һәр карарның халыкның рухи мәнфәгатьләрен канәгатьләндерү өчен кабул ителгәнен билгеләп үтте. “Тигез урында проблемалар булмаска тиеш. Болгарны торгызабыз икән, Зөядә дә эшләр башладык. Аңлашылмаучанлыклар булырга тиеш түгел. Синагоганы да беренче булып без кайтардык”, - диде.

Минтимер Шәймиев глобальләшү чорында телләрне өйрәнүгә җитди игътибар юнәлтү зарурлыгына игътибарны юнәлтте. Аның фикеренчә, бүген мәктәпләрдә укучыларның өч тел белеп чыгуы кирәк. Өч телне рәхәтләнеп өйрәнергә була, дип саный ул.

Дәүләт Киңәшчесе Татарстан волонтерларының футбол буенча Дөнья чемпионатында эшен мактап телгә алды. “Мин горурланып йөрдем”, - диде.

М.Шәймиев “Кунакчыл Казан” проектына карата да уңай бәясен бирде.

Дәүләт Киңәшчесе туризм өлкәсендә эшләүче волонтерларга ихтыяҗ һәрвакыт булачагын әйтте. "“Сезнең хәрәкәт, волонтерлыкның башка юнәлешләре белән чагыштырганда, тотрыклы. Тармакта гел яңалыклар булып тора, чөнки туризм – ул инде тормыш рәвеше. Бу иң тотрыклы юнәлеш, бу индустрия. Бу мәсьәләдә беренчелекне беркемгә бирергә ярамый. Сезгә гел камилләшеп тору, халыклар, төбәкләр, урыннар, объектлар тарихын өйрәнү кирәк. Һәр заманның үз кыенлыклары. Тормыш – көрәш ул”, - дип киңәш итте ул.

Татарстанның Туризм волонтерлары ассамблеясе генераль директоры Юлия Бәширова ассамблеянең 2009 елның апрелендә булдырылганын искәртте. “Без профильле вузлар, бизнес-струтуралар белән хезмәттәшлек итәбез. Безгә алга таба волонтерларның эшкә урнашуы мөһим”, - диде ул.

Аның әйтүенчә, туризм өлкәсендә алдынгы компанияләр волонтерларга туристлар белән эш итү серләрен ача. Шулай ук, ялларда туристик объектларга экскурсияләр үткәрелеп, волонтерларга Казан шәһәре тарихы турында мәгълүмат бирелә. “Волонтерларга мөрәҗәгать иткән һәр турист шәһәр картасын, мәдәни чаралар афишасын, балалар һәм актив ял урыннары турында мәгълүмат ала. Туристлардан анкеталар буенча сораштыру да үткәрелә. Бу мәгълүматлар туризмны алга сөрү буенча коммуникатив стратегия булдырырга мөмкинлек бирә”, - диде. Юлия Бәширова волонтерларның Болгар һәм Зөягә килүче туристлардан да сораштырырга әзер булуы турында әйтте. Аның сүзләренчә, бу ихтыяҗлар, мәнфәгатьләрне билгеләргә мөмкинлек бирәчәк.

 

Алабугадан студент-волонтер Ксения Зверева студентлар туристик отрядларын булдыруны тәкъдим итте. Аның әйтүенчә, бу волонтерлыкта яңа юнәлеш. “Бу отряд Алабуга базасында гына гамәлдә тора торган түгел, ә бөтен республика буенча гамәлдә булачак отряд булырга мөмкин”, - диде. Минтимер Шәймиев бу фикер белән килешүен белдереп: “Сезнең әзерлек башкалардан аерылып торырга тиеш”, - дип әйтте.

“Күп нәрсәгә ирешә алдык, ләкин әле туктап калырга ярамый. Һәрвакыт камиллеккә омтылырга кирәк, башкалардан тәҗрибә уртаклашып, лидер булып калу кирәк”, - диде Дәүләт Киңәшчесе.

Татарстанның Туризм буенча дәүләт комитеты рәисе Сергей Иванов, әле эшләргә җирлек бар, туризм волонтерлыгы юнәлешендә республиканың барлык шәһәрләре дә әле колачланмаганын билгеләп узды.

Очрашуда Татарстанның яшьләр эшләре министры Дамир Фәтттахов, Татарстан мәгариф һәм фән министры Рафис Борһанов, Татарстанның мәдәният министры Ирада Әюпова катнашты.

Чара ахырында берничә волонтерга ТР Дәүләт Киңәшчесе Рәхмәт хатлары тапшырылды.

Үзенең һөнәри бәйрәмендә Татарстан Республикасының туристлык буенча дәүләт комитетының рәисе Сергей Иванов Казанның Мәскәү районының 20нче номерлы мәктәпкә юл тотты. Анда ул 9-11 сыйныф укучылары өчен һөнәри ориентация дәресе үткәрде.

 Дәрестә дәүләт комитетының рәисе һәм хезмәткәрләре Татарстан Республикасының туристик үзәкләре турында, бөтен Рәсәйнең һәм дөньяның туристларында безнең республикага карата үскән кызыксынуы турында һәм шулай ук туристик ташкынына тээсир иткән факторлар турында сөйләделәр. Туристлык тармагы өчен квалификацияле кадрлар әзерләүче уку йортлары турында җентекләп сөйләштеләр, волонтерлар хәрәкәте темасын кузгаттылар.

Сергей Иванов билгеләп үтте: «Профессионаллар вакыты җитте. Заманча, югары көндәшлек булган мохиттә махсус белемнәрсез эшләү кыен. Белгечләргә ихтыяҗ бик югары һәм укучылар белән мондый очрашулар аларга карарга килү, укырга килү һәм аннан соң безнең бик кызыклы һәм кирәкле тармакта эшли башларга булышыр дип ышанасы килә».

Дәрес ахырында укучылар бәйгенамәдә катнашты, аның җиңүчеләре виртуаль чынбарлыкның очколарын алдылар.

Билгеләп үтик, 20нче номерлы урта мәктәп очраклы рәвештә генә сайланмаган – аның укучылары «Үткәннәргә сәяхәт» бәйгесенең актив катнашучылары. 2017 елда бәйге нәтиҗәләре буенча мәктәпнең ике укучысы Татарстан Республикасының туристлык буенча дәүләт комитетының махсус призлары белән бүләкләнделәр.

 Исегезгә төшерик, 27 нче сентябрьдә безнең илдә менә инде 35 ел бәйрәм ителә торган Бөтендөнья туристлык көне билгеләп үтелә.

Бәйрәмнең максаты – туристлыкны пропагандалау, дөнья берләшмәсенең икътисадына өлеш кертүен күрсәтү, төрле илләрнең халыклары арасындагы бәйләнешне үстерү.

2018 елның 29 сентябрендә Казан шәһәреннән 40 км ераклыкта Питрәч авылында III Бөтенрәсәй «Скорлупино» фестивале узачак.  2016 елдан алып фестивальне Рәсәйнең 32 шәһәреннән 12000нән артык кеше күрергә килде. Фестиваль «RussianEventAwards» вакыйгаи туристлык өлкәсенең милли премиясенең Гран-при бүләгенә лаек, «2018 елның милли вакыйга» статусына ия, «Рәсәй могҗизасы», «Туристик истәлекле бүләк» бөтенрәсәй бәйгеләренең приз алучысы, «Tasteexperience-2017» халыкара бәйгесенең финалисты. Фестиваль кунакларын иң гадәти булмаган йомырка белән «олимпия уеннары» көтәчәк. Алар арасында: йомырка ыргыту буенча чемпионат, таба белән чабышлар, дөнья чемпионы белән әтәч ярышлары, глобаль йомырка узышлары, шулай ук бик күп махсус йомырка белән бәйле бәйгеләр, аттракционнар һәм халык уеннары.

Тулырак мәгълүматны фестивальның скорлупино.рф рәсми сайтында белергә мөмкин.


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования