Катардан килгән делегация Дәүләт комитетына кунакка килде

28 июнь 2018 ел., пәнҗешәмбе

Татарстан Республикасының туризм буенча Дәүләт комитетында Сергей Иванов һәм Катардан килгән рәсми делегация арасында очрашу узды. Кунаклар 2022 елда планнаштырылган футбол буенча дөнья Чемпионаты кысаларында Республикабызга танышу нияте белән килгәннәр. 

 Чара барышында Россиядә узучы Чемпионатка кагылышлы һәм Татарстанда туризм өлкәсенең үсеше турында сораулар сөйләшенде. Кунакларны кызыксындырган темаларның берсе буларак Россиядә һәм аның чикләрендә Татарстанны алга этәрү булды. Катардан килүче вәкилләр дөнья чемпионаты алдыннан Татарстан Республикасының ничек итеп үсүе һәм танылуы, кайсы илләрдән һәм нинди ысуллар белән Татарстанга җанатарлар чакырылуы белән кызыксындылар. 

Туристик волонтерларның эше дә игътибарсыз калмады. Искә төшереп китәбез, "Кунакчыл Казан" проекты кысаларында шәһәр үзәгендә урнашкан 5 махсус шатерларда "Татарстан Республикасының туристик волонтерлар ассамблеясы" катнашучылары эшли. Волонтерларның үз эшләрен алып барулары, чемпионат кунакларына мөнәсәбәтләре зур чараларны оештыруда төп ярдәм итүчеләрнең якты мисалы итеп билгеләнде. 

Катар вәкилләренә Visit Tatartsan дип исемләнгән махсус сувенир продукциясе дә бик ошады, Сергей Иванов аларга бу әйберләрне кайда сатып алырга мөмкин икәнен һәм ничек итеп таратылуын аңлатып бирде. 

Шулай ук, аралашу өчен кызыклы сораулар арасында кунакханәләр һәм рестораннар белән нинди эш алып барылганы, бер номерлар фонды һ.б. бар иде. 

Очрашу азагында истәлеккә фото төшерелде. 

Искә төшереп узыйк, 26 июнь көнне Катар делегациясенә шәһәр пресс-үзәгендә Татарстан Республикасының презентация зонасы күрсәтелде. 

ЯҢАЛЫКЛАРГА ЯЗЫЛУ
Copyright © 2003 — 2018
Татарстан Республикасы Министрлар Кабинеты
Яндекс цитирования