ЯҢАЛЫКЛАР


11
апрель 2019 ел.
пәнҗешәмбе

Туристлык буенча дәүләт комитеты рәисе Сергей Иванов «Казан ярминкәсе» күргәзмә үзәгендә «Туристлык һәм Спорт» 24 нче халыкара махсуслаштырылган күргәзмә ачылышында катнашты.  

Күргәзмәне ачуда шулай ук Тунис Милли Туристлык Оешмасы вәкиллеге башлыгы Нежи Гуидер, Венгриянең Казандагы Генераль консулы Адам Штифтер, Алтай краеның туристлык һәм курорт эшчәнлеген үстерү идарәсе башлыгы Евгений Душевых,  "Казан шәһәренең туристлыгын үстерү комитеты" муниципаль бюджет учреждениесе директоры Дарья Санникова һәм башкалар катнашты.

Күргәзмәдә Рәсәй Федерациясенең 36 шәһәреннән һәм 18 төбәгеннән 100дән артык компания, шулай ук Кытай, Төркия һәм Казахстан илләреннән вәкилләр катнаша.

10 апрельдә Бөек Новгородта сайлап алу ярышлары старт алды, аларның нәтиҗәләре буенча Казан шәһәрендә «Яшь профессионаллар» WorldSkills Russia – 2019 VII Милли чемпионаты финалының катнашучылары билгеләнәчәк.

Ярышларда Татарстан Республикасының туристлык буенча дәүләт комитетына беркетелгән компетенцияләр буенча бәйгенең катнашучылары – Татарстан Республикасы вәкилләре катнаша:

«Туристлык» компетенциясендә Евгения Камратова һәм Алинә Абдуллина; «Туристлык – юниорлар» компетенциясендә Сабина Исламова һәм Розалина Гәрәева; «Отель белән идарә итү» компетенциясендә Лидия Сбитякова; «Отель белән идарә итү – юниорлар» компетенциясендә Ксения Лазарева; «Экскурсион хезмәтләр оештыру» компетенциясендә Анна Михайлова; «Экскурсион хезмәтләр оештыру – юниорлар» компетенциясендә Динара Хәбибуллина.

Сайлап алу этабының эшлекле программасы кысаларында Бөек Новгородта «Һөнәри киңлектә Коллаборация: Мәдәният. Туристлык. Музейлар. Мәгариф» I төбәкара форумы узачак. Аның барышында профильле югары уку йортлары, музейлар, туристлык компанияләре һәм туристлык өлкәсе оешмалары вәкилләре WorldSkills Russia компетенциясен үстерү мәсьәләләре һәм перспективалары турында фикер алышачак.

Бүген Дәүләт комитетында Сергей Иванов Алтай краеның туристлык һәм курорт эшчәнлеген үстерү идарәсе башлыгы Евгений Душевых белән очрашты. Очрашуда шулай ук UVT aero авиакомпаниясенең даими авиаташулар секторы җитәкчесе Наталья Коновалова  катнашты.

Рейсларны субсидияләү, расписание, Барнаул-Казан һәм Казан-Барнаул рейсларының тыгызлыгы, Алтай крае белән туристлык өлкәсендә үзара хезмәттәшлек мәсьәләләре буенча фикер алыштылар. 

Исегезгә төшерәбез, Татарстан Республикасы һәм Алтай крае арасында Казан-Барнаул-Казан туры авиаочыш ачылды. Рейслар атнага ике тапкыр (пәнҗешәмбе, якшәмбе) UVT-aero авиакомпаниясе тарафыннан башкарыла. Бер якка билет бәясе 5 730 сум.


10
апрель 2019 ел.
чәршәмбе

2019 елның 10 апрелендә Дәүләт комитетында Сергей Иванов Тунис Милли Туристлык Оешмасы вәкиллеге башлыгы Нежи Гуидер һәм оешманың PR-менеджеры Әмир Сегайер белән очрашты.

Очрашу барышында яклар Тунис Республикасы һәм Татарстан Республикасы арасында туристлык агымын үзара арттыру һәм туристлык өлкәсендә якларның алга таба хезмәттәшлек итү мөмкинлекләре турында фикер алыштылар.

Татарстанда урнашкан Казан, Бигеш һәм Туниста урнашкан Монастир, Джерба һәм Энфида аэропортлары арасында туры авирейслар булуы аркасында ел саен 30 меңнән артык Татарстан туристы Туниста була.

2019 елның 11-13 апрелендә «Казан ярминкәсе» күргәзмә үзәгендә «Туристлык һәм Спорт» 24 нче халыкара махсуслаштырылган күргәзмә узачак, анда базарның әйдәп баручы уенчылары үзләренең уникаль тәкъдимнәрен һәм туристик сезон алдыннан отышлы бәяләрен тәкъдим итәчәк.

Күргәзмәдә Рәсәй Федерациясенең 36 шәһәреннән һәм 18 төбәгеннән 100дән артык компания, шулай ук Кытай, Төркия һәм Казахстан илләреннән вәкилләр катнаша.

«Туристлык һәм Спорт» күргәзмәсендә икенче тапкыр Юныс Әхмәтҗанов исемендәге 3 нче халыкара кулинария бәйгесе узачак. Аның максаты милли кулинария сыйфатын яхшырту һәм татар аш-суы ашамлыкларын популярлаштыру.


9
апрель 2019 ел.
сишәмбе

Татарстан Республикасының туристлык буенча дәүләт комитетының бухгалтер исәбе һәм дәүләт заказы бүлегенең әйдәп баручы белгече вазифасын алмаштыруга бәйге игълан ителде.

Бәйгедә катнашу өчен документлар 2019 елның 9 апреленнән 29 апреленә кадәр Татарстан Республикасының туристлык буенча дәүләт комитетының эш көннәрендә (9.00 сәгатьтән 18.00 сәгатькә кадәр) кабул ителә.

Бәйгене үткәрү тәртибе турында өстәмә мәгълүмат алу өчен Дәүләт комитетының кадрлар һәм юридик эш бүлегенә (843) 222-90-29, 222-90-27  телефоннары буенча мөрәҗәгать итәргә мөмкин. Булачак бәйге турында тулырак мәгълүмат Дәүләт комитетының http://tourism.tatarstan.ru/rus/obyavleniya-o-konkursah-1753997.htm рәсми сайтында урнаштырылган.

 

Классификация процедурасын үтмәүгә бәйле күмәк урнаштыру чараларының эшчәнлеген туктатып торуны булдырмау максатларында, сезгә 2018 елның 16 февраленән 16-ФЗ номерлы «Кунакханә хезмәтләре күрсәтүне һәм туристлык индустриясе объектларын классификацияләүне хокукый җайга салуны камилләштерү максатларында «Рәсәй Федерациясендә туристлык эшчәнлеге нигезләре турында» федераль канунына һәм административ хокук бозулар турында Рәсәй Федерациясе Кодексына үзгәрешләр кертү турында» федераль канун нигезләмәләренең  үз көченә керү сроклары турында хәбәр итәбез (алга таба – Федераль закон).

Федераль канун нигезендә 01.07.2019 алып номер фонды буенча 50дән артык кунакханә номеры булган кунакханәләргә карата, 01.01.2020 алып номер фонды буенча 15дән артык кунакханә номеры булган кунакханәләргә карата һәм 01.01.2021 алып барлык кунакханәләргә карата кунакханәгә билгеле бер категория үзләштерү турында таныклыктан башка кунакханә хезмәтләрен күрсәтү өчен яисә рекламада, кунакханә исемендә яки кунакханәне куллануга бәйле эшчәнлектә мондый таныклыкта билгеләнгән категориягә туры килмәгән категорияне куллану өчен административ җаваплылык барлыкка килә. Бу вазыйфаи һәм юридик затларга административ штраф салу яки кисәтмә бирүгә тарта.

 


5
апрель 2019 ел.
җомга

5нче апрельдән 6нчы апрельгә кадәр Татарстан Республикасы гадәттәгечә Екатеринбург шәһәрендә «ҖӘЙ» (ЛЕТО) халыкара туристик күргәзмәсендә катнаша. «Visit Tatarstan» бердәм стендында республиканың 9 профильле оешмасы эшли: туроператорлар, кунакханәләр һәм музей-тыюлыклар.

Күргәзмә алдыннан, 4 апрель көнне Татарстан Республикасының туристлык буенча дәүләт комитеты «Свердловск өлкәсенең туристлыкны үстерү үзәге» ДБУ һәм туристик индустрия профессионаллары өчен «Profi. Travel» медиа холдингы катнашуында Екатеринбургның туроператорлары өчен Татарстан Республикасының туристик потенциалы презентациясен үткәрде.

«Лидер-Казан» («Лидер-Казань»), «Премьера», «Спутник-Гермес», «Үткәннәргә сәяхәт» («Путешествие в прошлое») туроператорлары, «Зөя утрау-шәһәре» музей-тыюлыгы, Болгар дәүләт тарих-архитектура музей-тыюлыгы һәм Алабуга дәүләт тарих-архитектура һәм сәнгать музей-тыюлыгы вәкилләре үзләренең яңа тәкъдимнәре һәм маршрутлары турында сөйләделәр. Презентация тәмамлангач, кызыксынган якларның шәхси аралашуы өчен семинар узды.


4
апрель 2019 ел.
пәнҗешәмбе

Бүген, 4 апрельдә,Томскта Сергей Иванов, Татарстан Республикасының туристлык буенча дәүләт комитеты рәисе Томск өлкәсе туроператорлары өчен республиканың туристик потенциалын тәкъдим итте.

Сергей Иванов республиканың төп туристик үзәкләре, туристик инфраструктура, иң популяр туристик маршрутлар турында сөйләде һәм сорауларга җавап бирде. Презентация ахырында яклар кичә, 3 апрельдә, Томск өлкәсенең Мәдәният һәм туристлык департаментында имзаланган килешү кысаларында мөмкин булган хезмәттәшлек вариантлары һәм чаралар планы турында фикер алыштылар.

 

2019 елның 3 апрелендә Зөя утрау-шәһәрендә Татарстан Республикасының туристлык буенча дәүләт комитеты рәисе урынбасары Екатерина Барабанова, Татарстан Республикасының Зеленодольск муниципаль районы Зөя авыл җирлеге башлыгы Владимир Костюнин, «Зөя утрау-шәһәре» дәүләт тарихи-архитектура һәм сәнгать музей-тыюлыгы директоры Артем Силкин, Татарстан Республикасының Мәдәният министрлыгы, Казан епархиясе вәкилләре, шулай ук туристларга хезмәт күрсәтүне гамәлгә ашыручы оешмалар һәм эшмәкәрләр катнашында күчмә киңәшмә узды. Киңәшмәдә катнашучылар Зөя территориясен карап чыктылар, утрау-шәһәре туристлык инфраструктурасы территорияләренең һәм объектларының 2019 елның сезоны чорында туристларны кабул итүгә әзерлеге мәсьәләләре турында фикер алыштылар, шул исәптән туристлык объектларының тышкы кыяфәте, туклану һәм хезмәт күрсәтү сыйфаты, 18:00 сәгатьтән соң туристларны кабул итү һәм аларга хезмәт күрсәтү мәсьәләләре турында фикер алыштылар.

 

 


ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Яндекс цитирования